«Біртұтас тәрбие» бағдарламасын жүзеге асыру және болашақ мамандыққа кәсіби бағдар беру мақсатында «Қостанай гуманитарлық колледжі» мекемесінің «Мектепке дейінгі тәрбие және оқыту» мамандығы бойынша 1-курс студенттері колледждің әлеуметтік серіктестері «Антошка» балабақшасына барды.
Іс-шара барысында студенттерге балабақшаның қызметімен таныстыру мақсатында экскурсия ұйымдастырылды. Сонымен қатар, студенттер «Республика күніне» арналған «Күлімдеу» мектепалды тобындағы ертеңгілікке қатысып, «Кроха» мектепалды тобының тәрбиеленушілерімен «Асық ату» сайысында бақ сынасты.
Балабақша басшылығы мен ұжымына, сондай-ақ тәрбиешілер Ахметова А. С., Чистова С. Ю., Полунина А. Ж. алғысымызды білдіреміз.
