«Қостанай гуманитарлық колледжі» мекемесінің базасында «Жалпы білім беру пәндерін оқытудың заманауи трендтері» тақырыбында облыстық семинар.
Семинарды ұйымдастырушы – Қостанай облысы әкімдігі білім басқармасының «Әдістемелік орталығы» КММ. Облыстық семинар Қостанай облысы әкімдігі білім басқармасының «Әдістемелік орталығы» КММ-нің қызмет жоспарына сәйкес өткізілді.
Семинардың мақсаты – жалпы білім беру пәндерінің оқытушыларының кәсіби құзыреттілігін арттыру, сондай-ақ жалпы білім беру пәндерін оқытуда түрлі заманауи трендтерді қолдану бойынша тәжірибе алмасу болды.
Семинар жұмысына Қостанай облысының колледждерінен жалпы білім беру пәндерінің 40 оқытушысы қатысты. Семинардың жалпы тақырыбы аясында спикерлер келесі тақырыптар бойынша баяндамалар мен шеберлік сыныптарын өткізді:
«Оқушылардың оқу сауаттылығын жасанды интеллектті пайдалану арқылы арттыру» (баяндама және шеберлік сыныбы; баяндамашы: Қалиева Латифа Төлеубайқызы, қазақ тілі мен әдебиеті пәнінің оқытушысы, «Қостанай гуманитарлық колледжі»);
«Сингапур әдісін қолдану арқылы «Біртұтас тәрбие» құндылықтарына қол жеткізу» (шеберлік сыныбы; баяндамашы: Дроженко Галина Григорьевна, ҚДПК «К.Дөненбаева атындағы кәсіптік-техникалық колледжінің» жалпы білім беру пәндерінің оқытушысы);
«Цифрлық құзыреттіліктерді дамыту үшін GIS технологияларды оқу үдерісіне енгізу» (баяндама және шеберлік сыныбы; баяндамашы: Демесинова Жанна Болатқызы, ҚДПК «Қостанай жоғары педагогикалық колледжінің» география пәнінің оқытушысы);
«Тарихты оқыту барысында заманауи цифрлық технологияларды қолдану» (баяндама және шеберлік сыныбы; баяндамашы: Үсенова Жанар Орманбекқызы, ҚДПК «Қостанай құрылыс колледжінің» тарих пәнінің оқытушысы);
«Эмоционалдық интеллектті дамытуға және топта жұмыс істеу дағдыларын қалыптастыруға бағытталған практикалық жаттығулар» (шеберлік сыныбы; баяндамашы: Науменко Татьяна Викторовна, ҚДПК «Қостанай жоғары политехникалық колледжінің» педагог-психологы);
«Бұлттық технологиялар және командалық жұмыста бірлесіп оқыту құралдары» (шеберлік сыныбы; баяндамашы: Сұлтанова Наталья Төлегенқызы, ҚДПК «Қостанай жоғары педагогикалық колледжінің» информатика пәнінің оқытушысы).
Облыстық әдістемелік семинардың жұмысы практикалық бағытта ұйымдастырылды, бұл қатысушыларды жалпы білім беру пәндерін оқытудағы әдістемелік қызмет бойынша өзекті мәселелерді шешу жолдарын іздеуге бағыттады. Семинар барысында қатысушыларға жалпы білім беру пәндері бойынша сабақтарда қолданылатын заманауи трендтер ұсынылды. Мультимедиялық презентациялар мен топтық практикалық жұмыстардың көмегімен оқытушылар семинар барысында алған білімдерін, дағдылары мен қабілеттерін бекітіп, шығармашылық және ұжымдық жұмыс істеу дағдыларын жетілдіруге мүмкіндік алды. Теориялық білімді бекіту үшін оқытушылар эмоционалдық интеллектті дамытуға бағытталған психологиялық жаттығуларға қатысты, бұл семинар қатысушыларына оң тәжірибе мен идеялармен алмасуға мүмкіндік берді.
Семинар қорытындысы бойынша облыстық жалпы білім беру пәндерінің бірлестік төрағасы Кравченко Татьяна Николаевна сөз сөйледі. Ол семинардың оқытушылардың жалпы білім беру пәндерін оқытудағы заманауи трендтерді қолданудағы бар білімдерін жүйелеуге, тәжірибе алмасуға және практикалық қызмет дағдыларын жетілдіруге бағытталғанын атап өтті.
Семинар қатысушылары шеберлік сыныптары мен баяндамалардың өзектілігін, сондай-ақ өткізілген іс-шараның практикалық бағытын жоғары бағалады.
Облыстық семинардың нәтижесінде қатысушылар жалпы білім беру пәндерін оқыту бойынша теориялық және практикалық мәселелер бойынша кәсіби деңгейлерін арттырды, сондай-ақ білікті кеңестер мен практикалық сабақ өткізу дағдыларын меңгерді. Тақырыптың өзектілігін және бұл әдістемелер мен технологияларға деген қызығушылықтың үнемі артып келе жатқанын ескере отырып, жалпы білім беру пәндерінің оқытушыларына арналған практикалық семинарлар мен іс-шараларды өткізу жалғасатын болады. Оған нәтижелігі дәлелденген және жалпы білім беру пәндері бойынша сабақтарда табысқа қол жеткізген баяндамашылар тартылатын болады.
