Бүгін, ағымдағы жылдың 10 қараша күні Республикалық конкурстың өңірлік кезеңінің жеңімпаздарын марапаттау рәсімі Қостанай облысы бойынша “Өрлеу” филиалында өтті.
Өзінің құттықтау сөзінде Қостанай “Өрлеу” филиалының директоры/педагогика ғылымдарының кандидаты, доцент Слесарь Марионелла Васильевна аталмыш конкурстың біріңғай ақпараттық-білім кеңістігінде заманауи педагогикалық тәжірибені жинақтау және насихаттау, педагогтердің ақпараттық- коммуникациялық және технологиялық құзыреттіліктерін арттыруға бағытталғандығына ерекше тоқталды.
Конкурс 22 номинация бойынша өткізілді, облыстың 411-ден астам педагогі қамтылды, жеңімпаз мұғалімдердің 20 бейне-сабағы анықталып, олар конкурстың республикалық кезеңіне жіберілді.
Қостанай облысы іріктеуден үздіктер қатарынан көрінген Қостанай гуманитарлық колледжіміздің орыс тілі және әдебиет пәнінің оқытушысы Мешелова Роза Жарасбаевна республикалық байқауының облыстық кезеңінде жүлделі 3 орынға ие болды. Роза Жарасбаевнаны колледж әкімшілігі және оқытушылар қауымы атынан құтықтаймыз. Жеңімпазды құттықтай отырып, конкурстың республикалық кезеңінде жарқын жеңіс пен сәттілік тілейміз!
